Google ADS

Vanesa: Virtytet e larta të babit do t’i kultivojmë me përkushtim (VIDEO)

13:08 | 22 Gusht 2017
arbresh.info

Vanesa Rexhepi, e përmbajtur, u ngrit shkallëve të skenës në Teatrin Kombëtar, vendi ku mblodhi dhjetëra njerëz në nderim të veprës së ish-kryeministrit, Bajram Rexhepi.

“Edhe pse e pikëlluar dhe katandisur nga dhimbja për vdekjen e tij do të përballojmë pikëllimin me krenarinë që na la, me trashëgiminë, personalitetin e tij prej punëtori dhe humanisti të madh,” është shprehur Vanesa, vajza e ish-kryeministrit Rexhepi.

Ajo ka falënderuar të gjithë ata që i kanë qëndruar pranë familjes Rexhepi, në muajt e fundit, dhe institucionet e Kosovës dhe Turqisë.

Në mbledhjen komemorative, me një minutë heshtje është nderuar vepra që u cilësua “kolosale” e ish-kryeministrit, Bajram Rexhepi, i cili ndërroi jetë në një spital në Turqi, pas një gjendje të rëndë shëndetësore.

Arkivoli i tij është sjellë mëngjesin e sotëm, dhe pranë tij, kanë bërë homazhe në Kuvendin e Kosovës dhjetëra politikanë, bashkëveprimtar vendorë e të huaj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm